Qozog‘iston huquqni himoya qilish organlari Aktau shahridagi ommaviy xudkushlikni amalga oshirishga urinish yuzasidan tergov ishlari olib bormoqda, deb yozadi “Knews.kg”.
Aktaudagi kollejlardan birida o‘qib, bitta uyda ijarada turadigan besh qiz 50 tadan paratsetamol tabletkasini ichib, o‘z jonlariga qasd qilmoqchi bo‘lgan. Ularning barchasi kasalxonaga keltirilgan. Oshqozonlari yuvilgach, uyga javob berilgan.
Aniqlanishicha, talaba qizlardan biri yigiti bilan janjallashib qolgan va o‘zini o‘ldirmoqchi bo‘lgan. Qolgan qizlar ham birdamlik yuzasidan dori ichgan.
Qizlar ta’lim oladigan o‘quv muassasasi direktori so‘zlariga ko‘ra, ularni oilali qizning onasi xudkushlik sodir qilishga undagan bo‘lishi mumkin. Fojia kuni qizlar yashaydigan uyga noma’lum ayol bostirib kirgan va ularga baqirib, butun ovulga sharmanda qilish bilan tahdid etgan.
Izoh (0)