Gretsiyada bo‘lib o‘tgan kurash bo‘yicha Islom Karimov sovrini uchun xalqaro turnirda mezbonlar g‘olib bo‘ldi

Gretsiyaning Saloniki shahrida milliy qadriyatimiz kurash bo‘yicha O‘zbekiston Respublikasi Prezidenti Islom Karimov sovrini uchun xalqaro turnir bo‘lib o‘tdi, deb xabar bermoqda “Olamsport”. An’anaviy tarzda 2004-yildan beri o‘tkazib kelinayotgan ushbu musobaqa yubiley 10-marotaba tashkil etildi.

Gretsiya kurash federatsiyasi hamda Yevropa kurash konfederatsiyasi hamkorligida o‘tkazilgan bu galgi musobaqada ikki vazn toifasida g‘olib va sovrindorlar aniqlandi. Mutloq vazn bilan birga -81 kg. vazn toifasida ham bahslar o‘tkazildi. Turnirning mukofot jamg‘armasi 9 ming AQSh dollarini tashkil etdi. Har ikki vaznda ham gretsiyalik polvonlar g‘olib bo‘lishdi.

81 kg vazn toifasi

1. Devid Sokourida (Gretsiya)

2. Mirman Illiadis (Gretsiya)

3. Michal Michalidis (Gruziya)

3. Kostan Saridis (Gretsiya)

Mutloq vazn toifasi

1. Moyzes Iliadis (Gretsiya)

2. Vasileo Iliadis (Gretsiya)

3. Pavlos Gkaraklov (Kipr)

3. Devid Gkaraklidis (Gruziya)