Yapon telekanalida O‘zbekiston haqida ko‘rsatuv namoyish etildi

Yaponiyaning FUJI-ТV telekanalida When You Go & See World’s Beautiful Places dasturi doirasida O‘zbekiston haqida ko‘rsatuv namoyish etildi, deb xabar bermoqda UzReport.

Ko‘rsatuvda O‘zbekistonning diqqatga sazovor joylari, Toshkent, Buxoro, Samarqand, Xiva kabi tarixiy shaharlari, o‘zbek xalqining urf-odat va an’analari to‘g‘risida batafsil ma’lumot berilgan. Buyuk Ipak yo‘li yuragida joylashgan O‘zbekiston qadimgi sivilizatsiyalar chorrahasi ekanligi ta’kidlangan.

Yapon sayyohlarini ko‘proq “Sharq gavhari” deb nom olgan Samarqand shahri o‘ziga tortishi qayd etilgan. Shuningdek, ko‘rsatuvda O‘zbekistonning hozirgi iqtisodiy-ijtimoiy taraqqiyoti, mustaqillik yillarida amalga oshirilgan ulkan o‘zgarishlar haqida ham so‘z boradi.