Sony 2K o‘lchamli ekranga ega Xperia Z4 Tablet planshetini 2-mart kuni e’lon qilishi ma’lum bo‘ldi

Sony kompaniyasining rasmiy Xperia Lounge dasturida kutilmaganda Xperia Z4 Tablet plansheti haqida ma’lumot paydo bo‘ldi, deb xabar bermoqda “Thg.ru”. Ko‘p o‘tmay kompaniya bu xatosini to‘g‘rilab ma’lumotni olib tashlagan.

Vaqtincha ko‘rsatilgan ma’lumotda Sony Xperia Z4 Tablet plansheti taqdim etilishi haqida xabar berilgan va oxirida “2015-yil 3-mart 00:00” deb yozilgan. Bundan planshet 2-mart kuni Barselonada o‘tkaziladigan tadbirda taqdim etilishini taxmin qilish mumkin, deyiladi xabarda.

Xperia Z Tablet Compact uslubida bo‘lishi taxmin kutilayotgan planshet 2K o‘lchamli (1440x2560 yoki 1600x2560 pikselli) ekranga ega bo‘lishi kutilmoqda.