Kolumbiya universiteti olimlari bevaqt o‘limning depressiya, shizofreniya kabi ruhiy kasalliklar bilan bog‘liqligini aniqladi, deya xabar bermoqda “Rossiyskaya gazeta”.
Ularning hisob-kitoblariga ko‘ra, ruhiy xasta bemorlar sog‘lom odamlarga nisbatan o‘rtacha o‘n yil ertaroq hayotdan ko‘z yumadi. Har yili ruhiyati bilan bog‘liq muammoga ega bo‘lgan 8 million kishi vafot etadi.
Olimlarning xulosasi so‘nggi bir necha o‘n yil davomida yozilgan 200 ta ilmiy ishga asoslandi.
Ruhiy nosog‘lom kishilar vafoti haqida gap borganda ularning o‘z joniga qasd qilgani ko‘z oldimizga keladi, biroq o‘limlarning ko‘pchiligi tabiiy sabablarga ko‘ra ro‘y beradi.
Izoh (0)