Isroil maxsus xizmati “Mossad” Eronning yadro quroli yaratish arafasida ekanligini tasdiqlovchi hech qanday dalil topmadi, deb yozadi Meduza maxfiy diplomatik hujjatlarga tayanib.
“Mossada” hisobotida aytilishicha, Eron uranni boyitish sohasida faol ish olib borayotgan bo‘lsa-da, Tehronning yadro quroli ishlab chiqarishga tayyorgarlik ko‘rayotganidan darak beruvchi hech qanday dalil aniqlanmagan.
Isroil maxsus xizmatining hisobotida 2012-yil oktabr sanasi ko‘rsatilgan bo‘lib, u Janubiy Afrika Respublikasi maxsus xizmatlariga jo‘natilgan bo‘lgan. Unda shuningdek, Eronning uranni yadro bombasi uchun zarur darajagacha — 90 foizgacha boyitishga qodir emasligi aytiladi.
2012-yil kuzida Isroil bosh vaziri Binyamin Netanyaxu BMTga Tehronning uranni boyitish darajasini oshirishga harakat qilayotgani va tez orada yadro quroli yaratishini ma’lum qilgan edi.
Izoh (0)