Ukraina Debalsevodan qo‘shinlarini chiqarishdan bosh tortdi

Ukraina Mudofaa vazirligi ayirmachilarning Kiyev qo‘shinlarini Debalsevodan olib chiqib ketish uchun yo‘lak ochib berish taklifini rad etdi, deb xabar bermoqda Meduza.

Ukraina Mudofaa vazirligi rasmiy vakili Vladislav Seleznyovning eslatishicha, Debalsevo Minskdagi muzokaralar yakunida qabul qilingan tinchlik rejasi bo‘yicha ayirmachilar o‘z og‘ir qurollarini olib ketishi kerak bo‘lgan hududlarga kiradi.

Qayd etilishicha, 16-fevral kuni “Donetsk Xalq Respublikasi” vakili Denis Pushilin Debalsevodan Ukraina qo‘shinlarini olib chiqib ketishi uchun “yashil yo‘lak” ochib berishni taklif qilgan. “DXR” Debalsevoni o‘z hududi deb hisoblashini ta‘kidalagan Pushilin ukrainalik harbiylar qurol va texnikalarini qoldirib, o‘zlari chiqib ketishlari mumkinligini ma’lum qilgan.