Fransiyaning Marsel shahrida tennis bo‘yicha mukofot jamg‘armasi 632 ming 840 yevroni tashkil etuvchi Open 13 turnirining asosiy to‘r bahslari start oldi. Ushbu musobaqada o‘zbekistonlik Denis Istomin ham ishtirok etmoqda, deb xabar beradi Olamsport.com.
O‘zbekistonning birinchi raqamli raketkasi ilk davrada xorvatiyalik Borna Chorichga imkoniyatni boy berdi. 18 yoshli Chorich 1 soat-u 16 daqiqa davom etgan uchrashuvda o‘zidan 10 yosh katta raqibini 6:4, 7:5 hisobida taslim etdi.
Taqqoslash uchun, Istomin dunyo reytingida 65, Chorich esa 85-o‘rinni egallab turibdi. Istomin bahs davomida 9 ta, Borna esa 3 ta eys zarbasini amalga oshirdi. Bu ikki tennischining o‘zaro ilk uchrashuvi edi.
Endi Chorich ikkinchi davrada fransiyalik Jil Simon hamda Pyer-Yug Erber uchrashuvi g‘olibiga qarshi kortga chiqadi. Denis esa asosiy e’tiborini juftliklar bellashuvidagi ishtirokiga qaratadi.
Izoh (0)