Ramzan Qodirov o‘zining ijtimoiy tarmoqlardan biridagi sahifasi orqali Chechenistonning Gudermes shahri yaqinida jahon maxsus xizmatlarining oliy toifasini tayyorlaydigan o‘quv majmuasi ochilishini ma’lum qildi, deb xabar bermoqda “TASS”.
“Xalqaro markazda Rossiya va boshqa mamlakatlarning maxsus xizmatlari va barcha turdagi qo‘shinlarining maxsus vazifalarni bajaruvchi bo‘linmalari tayyorlanadi. Bu o‘ziga xos taktik shaharchada garovga olinganlarni ozod etish va terrorchilarni yo‘q qilish bo‘yicha mashg‘ulotlarga mo‘ljallangan baland uy-joylar, maktablar, shifoxonalar, bolalar bog‘chalari, kinoteatrlar quriladi. Markazda parashyutdan sakrash, o‘rmon, tog‘, suv va boshqa sharoitlardagi tayyorgarliklar ko‘rish mumkin bo‘ladi. Shuningdek, aerodinamik quvur ham quriladi”, − deb yozdi Qodirov.
Qodirovning ta’kidlashicha, bunday markaz Rossiyada birinchisi bo‘ladi.
Izoh (0)