Belorussiya prezidenti Aleksandr Lukashenko Minskda bo‘lib o‘tgan “normand to‘rtligi” muzokaralarida erishilgan kelishuvlarni bajarish lozimligini ma’lum qildi, deb xabar bermoqda “TASS”.
“Tarixda hujjatlar ko‘p bora tug‘ilgan, asosiysi ularni ijro etish. Bu hujjatlarni yaratishdan ko‘ra murakkabroq. Bunga sutkalar yetarli bo‘lmaydi.
Barchasi qanday tashkillashtirilganini ko‘rdingiz. Barchaga Belorussiyada va Rossiyada ishlab chiqarilgan taomlardan tortdik. Qovurilgan tuxum, pishloq, sut mahsulotlarini iste’mol qilishdi, bir necha chelak qahva ichishdi”, − dedi Lukashenko.
Uning so‘zlariga ko‘ra, delegatsiyalarning ekspertlari tunda navbati bilan uxlab olishgan. Davlat rahbarlarining esa dam olishga vaqtlari bo‘lmagan. Shuningdek, Lukashenko o‘zi ham uxlamaganini ma’lum qilgan.
Avvalroq, Minskda 16-soat davom etgan muzokaralar yakunida imzolangan hujjat matni e’lon qilingan edi.
Izoh (0)