Google xavfsizlik tekshiruvidan o‘tgan foydalanuvchilarga bulutli “ombor”dan 2 Gb joy sovg‘a qiladi

Google o‘z servisi orqali xavfsizlikni tekshiruvdan o‘tkazgan foydalanuvchilarga bulutli “ombor”da 2 Gb joy beriladi. Bu haqda korporatsiya Google Drive loyihasi blogida ma’lum qildi, deb yozadi “Rossiyskaya gazeta”.

Tekshiruvni bevosita Google’ning yagona akkauntida amalga oshirish mumkin.

Security Chekup linki orqali kirib, foydalanuvchi o‘z telefon raqami, zaxiradagi elektron pochtasi, Google akkaunti bilan amalga oshirilgan so‘nggi faoliyatni tasdiqlashi kerak. Shundan so‘ng u yagona akkaunt interfeysiga yo‘naltiriladi, u yerda sozlamalarni davom ettirish mumkin.

Google ta’kidlashicha, jarayon bor-yo‘g‘i bir necha daqiqa vaqt oladi.

Tekshiruv bandlarining barchasi muvaffaqiyatli o‘tsa, foydalanuvchiga yashil “galochka”larga ega xabar ko‘rsatiladi, bu hammasi joyida ekanligini bildiradi va ularni ikki gigabayt kutadi. Biroq undan 28-fevraldan so‘ng foydalanish mumkin bo‘ladi.

Shartlar 10—17-fevral davomida kuchda bo‘ladi, ushbu sanadan so‘ng bonus taqdim etilmaydi.