O‘zbekiston terma jamoasi darvozaboni Ignatiy Nesterov jarohatini Germaniyada davolatadi

“Lokomotiv” va O‘zbekiston milliy terma jamoasi darvozaboni Ignatiy Nesterov jarohatini davolatish maqsadida Germaniyaga yo‘l olishi ma’lum bo‘ldi, deb xabar bermoqda “Uff.uz”.

Nesterov Turkiyada o‘tkazilayotgan o‘quv-yig‘in mashg‘ulotlari chog‘ida jarohat olgandi. U shifokorlarga eski jarohatidan shikoyat qilib, murojaat qilgan.

Keyinroq ma’lum bo‘lishicha, Nesterovning chap tizzasidagi to‘qimalari uzilgan va darvozabon ancha muddatgacha maydonga tusha olmasligi aniqlangan.

Jamoa shifokorlari dastlabki tibbiy ko‘rikdan so‘ng, Nesterovga jarrohlik amaliyotini Germaniyada o‘tkazishni tavsiya qildi.