“Paxtakor” Turkiyadagi nazorat uchrashuvida “Gazovik”ni mag‘lub etdi

Turkiyada yig‘in o‘tkazayotgan “Paxtakor” 8-fevral kunidagi nazorat bahsida “Gazovik”dan 2:1 hisobida ustun keldi, deb xabar bermoqda “Uff.uz”.

Uchrashuvda har ikki jamoada to‘p kiritish uchun ko‘plab imkoniyatlar yuzaga keldi. Gollar ikkinchi bo‘limda urildi. Dastlab Karimovning to‘p oshirishidan unumli foydalangan Pardayev hisobni ochdi.

Ikkinchi to‘pda ham hujumni Karimov boshlab berdi. Keyin Andreyevning zarbasini raqib posboni qaytardi va bundan Alimov foydalanib, oradagi farqni oshirdi. Orenburglik futbolchilar keyinroq hisobni qisqartirdi.

Shu tariqa uchrashuvda “Paxtakor” 2:1 hisobida g‘alaba qozondi.