Rossiyaning Omsk shahri aholisi axlat uyumi orasida Jaguar rusumli avtomobil borligini aniqladi. Tegishli fotosurat “VKontakte” ijtimoiy tarmog‘idagi “Tipichniy Omsk” guruhiga joylashtirilgan.
Suratda raqamsiz kumushrang mashina qor bilan qoplangan va ko‘chada maishiy chiqindilar orasida tasvirlangan. Mutaxassislarning so‘zlariga ko‘ra, ushbu model 15 yil avval chiqarilgan. Suratlar shaharning Stariy Kirovsk tumanida olingan.
Suratga izoh berganlarning ko‘pchiligi mashina egasidan agar avtomobil kerak bo‘lmasa, o‘zlariga sovg‘a qilishini so‘ragan. Ba’zi foydalanuvchilar esa ushbu avtomobilning egasi borligini, dvigateldagi muammo tufayli 2014-yil yozdan buyon shu yerda turganini ma’lum qilgan.
Izoh (0)