Ucell abonentlarga xizmat ko‘rsatish bo‘yicha o‘z idoralari tarmog‘ini butun respublika bo‘ylab kengaytirishni davom etmoqda. 2015-yilning 3-fevralida Farg‘onada Ucell kompaniyasining yangi ofisi ochildi. Tantanali ochilish marosimida bosh direktor Tonu Gryunberg boshchiligidagi Ucell menejment guruhi a’zolari, faxriy mehmonlar, kompaniya mijozlari va hamkorlari, shuningdek OAV vakillari ishtirok etdilar.
Kompaniyaning Farg‘onadagi ofisi joylashgan yangi, keng va yorug‘ binodagi shart-sharoitlar abonentlarga yuqori darajada sifatli xizmat ko‘rsatish imkonini beradi. Qolaversa, mijozlarga yaxshi kayfiyat va kompaniya xodimlari bilan muloqotdan bahramand bo‘lish imkoniyatini ta’minlaydi.
Ofisning yangi binoda ochilishi xizmat ko‘rsatish sifatini oshirish yo‘lidagi yana bir qadam bo‘ldi va Kompaniyaning barcha hududlarda hamma turdagi xizmatlarni taqdim etishga intilishini tasdiqlaydi.
“Farg‘ona viloyati biz uchun strategik jihatdan muhim mintaqalardan biri hisoblanadi. Hududda aholi zich joylashganini hisobga olib, biz tarmoqni texnik jihatdan maqbullashtirishni maqsad qilib qo‘yganmiz. Xususan, yangi 2G/3G bazaviy stansiyalarni ishga tushirish rejalashtirilgan, bu esa Ucell tarmog‘ining uzluksiz ishlashini ta’minlaydi va aholi punktlarini 2G tarmog‘i bilan koplanishini yana 5% ga, 3G aloqasi bilan koplanishini esa 22% kengaytirishni ta’minlaydi. Yangi texnologiyalar, qulay tariflar hamda tarmoq rivoji respublika aholisini quvontirishiga ishonamiz”, deya qo‘shimcha qildi Ucell bosh direktori Tonu Gryunberg.
Mijozlarga yuqori darajali xizmat ko‘rsatishni ta’minlash maqsadida Ucell 2015-yilning aprel oyida Farg‘onadagi ofisida abonentlarga telefon muloqoti orqali xizmat ko‘rsatish markazining ochilishi rejalashtirilmoqda. Ushbu maskan Toshkentdagi xuddi shunday markazdan keyingi ikkinchi eng yirik majmua bo‘ladi.
Uning ishga tushirilishi butun mamlakat, shu jumladan Farg‘ona vodiysi bo‘ylab mijozlarga ko‘proq xizmat ko‘rsatish imkonini beradi. Shu tariqa, mijozlarni qo‘llab-quvvatlash xizmatiga ulanishlar soni ko‘payadi, shuningdek, o‘z vaqtida professional yordam olgan abonentlarning sonini ham oshishi belgilangan. Mijozlarni qo‘llab-quvvatlash xizmatining Farg‘ona markazi o‘z navbatida mamlakatimizning barcha hududlaridagi abonentlarga xizmat ko‘rsatadi, bu esa liniyadagi kutish vaqtini qisqarishini ta’minlaydi va mijozlarning ushbu xizmat turidan qoniqish ko‘rsatkichini yaxshilaydi.
Kompaniya rahbariyati Ucell operatorlari o‘zbek adabiy tilini yaxshi bilishlari bilan faxrlanadi. Zero, o‘zbek tilining aynan Farg‘ona shevasi adabiy tilga yaqin, eng chiroyli shevalardan biri hisoblanadi va uni eshitish barcha uchun yoqimlidir. Shuningdek, tadbir doirasida Farg‘ona vodiysi abonentlari Kompaniyaning barcha aksiyalarida faol ishtirok etib, Ucell jamoasini yangi loyihalarga ilhomlantirishi ta’kidlandi.
Ofisning ochilish kuni hisobni 5000 so‘m va undan ortiqga to‘ldirgan, shuningdek Ucell xizmatiga ulangan abonentlar mag‘lubiyatsiz lotereyada ishtirok etish va ko‘plab yutuqlarga ega bo‘lish hamda kompaniyadan boshqa esdalik sovg‘alarini olish imkoniyatiga ega bo‘ladilar.
Ucell yangi ofisi Navoiy ko‘chasi 74-uy manzili bo‘yicha joylashgan va mijozlarni har kuni 09:00 dan 18:00 gacha, shanba kuni 17:00 gacha kutadi, dam olish kuni – yakshanba.
Qo‘shimcha ma’lumot:
Bugungi kunda kompaniyaning butun respublika bo‘ylab 20 dan ortiq idoralari faoliyat yuritmoqda. Farg‘ona viloyatida 110 dan ortiq savdo shahobchalari ishlab turibdi, ular orasida Yevropa sifat standartlariga javob beruvchi mono-shahobchalar ham bor.
“Ucell-Farg‘ona” ofisida abonentlar uchun keng turdagi xizmatlar taklif etiladi, bu yerda tarmoqqa ulanish, aloqa xizmatlariga haq to‘lash, qo‘shimcha xizmat va opsiyalar tanlash, professional maslahat olish, mobil Internetdan foydalanish uchun modem sotib olish va boshqa ko‘plab xizmatlardan foydalanish mumkin.
Ucell Kompaniyasining abonentlik bazasi doimiy ravishda ortmoqda, tarmoq geografiyasi butun respublika bo‘ylab kengaymoqda. Bugungi kunda Ucell 8,5 milliondan ortiq abonentlarga xizmat ko‘rsatib, ular kundalik hayotining ajralmas qismiga aylangan. Kompaniya mamlakatimiz iqtisodiy farovonligi va jamiyatning ijtimoiy rivojiga xissa qo‘shish niyatida samarali faoliyat yuritmoqda.
Reklama huquqlari asosida.
Izoh (0)