Gruziyada joriy yilda NATO o‘quv mashg‘ulotlari bo‘lib o‘tadi, deya xabar bermoqda “Kommersant”. Bu haqda NATO mudofaa vazirlarining 5-fevral kuni Bryusselda bo‘lib o‘tadigan uchrashuvi arafasida tashkil etilgan brifingda alyans vakili aytib o‘tdi.
“NATO Gruziyada NATO mamlakatlari va sherik davlatlar uchun harbiy mashg‘ulot markazlarini ochmoqchi. Bu juda ahamiyatli, chunki Gruziya o‘ziga xos geografik o‘ringa ega”, — dedi u.
“NATO bu yil Gruziyada o‘quv mashqlarini olib boradi. Biz ushbu davlat bilan hamkorligimiz doirasida bu yerda muntazam mashg‘ulotlar o‘tkazib turamiz”, — deya ta’kidladi u.
Izoh (0)