Janubiy Koreyaning E-Today internet nashri xabar berishicha, O‘zbekiston futbol federatsiyasi tomonidan e’lon qilingan 27-mart kuni o‘tkazilishi rejalashtirilgan Janubiy Koreya va O‘zbekiston milliy terma jamoalari o‘rtasidagi o‘yin bo‘lishi aniq emas. Bu haqda “Stadion.uz” xabar bermoqda.
Janubiy Koreya futbol assotsiyatsiyasi bu haqda koreys OAVlariga rasman shunday bayonot bergan: “O‘rtoqlik o‘yini o‘tkazilishi to‘g‘risida muzokaralar kechayotganligini inkor etmaymiz. Ammo hali bir to‘xtamga kelingani yo‘q. Hozircha noma’lum bo‘lib turibdi”.
Futbol assotsiyatsiyasining bu bayonoti yangrashi ortidan koreys OAVlari O‘zbekiston futbol federatsiyasining hali noma’lum o‘rtoqlik o‘yini haqida xabar tarqatganligidan hayratini yashira olmagan. Shuningdek, koreys OAVlari Qirol kubogidagi mojarolar ortidan o‘zbek futbolchilarini qoralashda davom etayotganligiga guvoh bo‘lish mumkin.
Izoh (0)