iPad va kompyuter o‘yinlari ommaviylashgan hozirgi davrda britaniyalik o‘yinchoq ishlab chiqaruvchilar Lego konstruktorini barcha zamonlarning eng yaxshi o‘yinchog‘i deb atadi, deb xabar beradi “Kun.uz” The Daily Express nashriga tayanib.
2-o‘rin mashhur “Monopoliya” o‘yiniga nasib etgan bo‘lsa, 3-o‘ringa Action Man qo‘g‘irchoqlari munosib ko‘rildi.
Ta’kidlanishicha, Lego mahsulotlari jamoatchilik fikri asosida tuziladigan ko‘pgina reytinglarning birinchi qatorlaridan ko‘p marotaba joy olgan, biroq bu kompaniyaning mahsulotlari ilk marta o‘yinchoq va o‘yin ishlab chiqaruvchi yetakchi kompaniyalar talqini bo‘yicha tuzilgan ro‘yxatning yetakchisiga aylandi. Bu so‘rovnomada Mattel, The Toy Store va Jumbo Games kompaniyalari ham ishtirok etgan.
Ro‘yxatning 4-o‘rini Scalextric kompaniyasining poyga mashinalari va trassalariga, 5-o‘rin Subbuteo kompaniyasining stol o‘yinlariga nasib etdi. 6-o‘rinni mashhur Kubik-rubik va “Yulduz janglari” filmidagi qahramonlarning o‘yinchoqlari birga baham ko‘rgan bo‘lsa, 8-o‘rinni Matchbox mashinachalari, Barbi qo‘g‘irchog‘i va kartalar egalladi.
Izoh (0)