17-fevral kuni Toshkentda Osiyo Chempionlar ligasi — 2015 pley-off bosqichi doirasidagi “Bunyodkor” — “Al-Jazira” uchrashuvi bo‘lib o‘tadi, deb xabar beradi “Uff.uz”.
Osiyo futbol konfederatsiyasi ushbu uchrashuvga tayinlangan hakamlar guruhini e’lon qildi. Unga ko‘ra, “Bunyodkor” — “Al-Jazira” uchrashuvini Alirizo Fag‘oni boshchiligidagi eronlik hakamlar guruhi boshqarib boradi. Toshkentdagi “Bunyodkor” stadionida o‘tkazilishi kutilayotgan o‘yin soat 17:00 da boshlanadi.
Xalqaro faoliyatini 2008-yildan boshlagan Alirizo Fag‘oni bungacha “qaldirg‘ochlar”ning 2013-yilgi Chempionlar ligasi guruh bosqichi doirasidagi “Bunyodkor” — “Poxang Stilerz” (2:2) uchrashuvini boshqargan.
“Bunyodkor” — “Al-Jazira” uchrashuviga tayinlangan eronlik hakamlar guruhi kuni kecha o‘tkazilgan Osiyo kubogi — 2015 final uchrashuvida ham harakat qildi.
Osiyo Chempionlar ligasi. Pley-off uchrashuvi
“Bunyodkor” (O‘zbekiston) — “Al-Jazira” (BAA)
- Referi: Alirizo Fag‘oni (Eron);
- Referi assistenti 1: Rizo Sohandan (Eron);
- Referi assistenti 2: Muhammadrizo Abolfazli (Eron);
- To‘rtinchi hakam: Hasan Akrami (Eron);
- Hakamlar eksperti: Jassim Muhammad Al-Hail (Qatar);
- Uchrashuv komissari: Muhammad Said Al-Masri (Suriya).
Izoh (0)