NATO bosh kotibi Rossiyani qo‘shni davlatlarining chegaralarini buzishda aybladi

NATO bosh kotibi Yens Stoltenberg Rossiya o‘ziga qo‘shni mamlakatlar, jumladan Ukrainaning chegaralarini buzayotganini ma’lum qildi, deb xabar bermoqda “Korrespondent.net”.

Stoltenbergning so‘zlariga ko‘ra, Rossiya Ukraina sharqidaga ayirmachilarga yordam bermoqda, og‘ir qurollar, tanklar, raketa uchiruvchi qurilmalar, havo hujumidan himoya tizimlarini yetkazib berishni ko‘paytirgan. “Harbiylar ko‘rinishida kuchlar jo‘natilishini gapirmasa ham bo‘ladi”, − dedi NATO bosh kotibi.

Stoltenbergning ta’kidlashicha, harbiy aslahalarning ba’zi turlari shunchalik zamonaviyki, ular ayirmachilarning qurol-yarog‘lari orasida bo‘lishi mumkin emas. Shuningdek, u Ukrainadagi mojaroning harbiy yechimi yo‘qligini, shuning uchun ham NATO unga aralashmoqchi emasligini ma’lum qildi.