Ispaniyaning Ibitsa orolida bir ayol yigitining turmush qurish haqidagi taklifidan so‘ng qoyadan yumalab ketdi. Voqea Kala Tarida kurortida 27-yanvar kuni kechqurun sodir bo‘ldi. Bu haqda The Daily Mail xabar beradi.
29 yoshli Bolgariya fuqarosi Dimitrina Dimitrova do‘sti ofitsiant bo‘lib ishlaydigan orolga tashrif buyuradi. Yigit uni quyosh botishini tomosha qilish mumkin bo‘lgan qoyada sayr qilishga taklif etadi va u yerda ayolga turmush qurishni taklif qiladi. Ayol quvonchdan sakrab, muvozanatini yo‘qotadi va 20 metr balandlikdan yiqiladi.
Voqea joyida shifokorlar hozir bo‘lganida, Dimitrova hali tirik edi, ammo ular ayolni qutqara olmadi. Bir necha daqiqa o‘tgach, og‘ir jarohat tufayli Dimitrova hayotdan ko‘z yumdi. Ispaniya fuqarolik gvardiyasi ushbu voqeani baxtsiz hodisa deb baholamoqda.
Izoh (0)