Afrika millatlar kubogi guruh bosqichida qiziq vaziyat yuzaga keldi. “D” guruhida chorak final chiqqan jamoalardan biri qur’a yordamida aniqlandi, deb xabar bermoqda “Stadion.uz”.
Ushbu guruhda quyidagi natijalar qayd etildi va jadvalda quyidagicha vaziyat yuzaga keldi:
1-tur, 20-yanvar
- Kot-d’Ivuar - Gvineya - 1:1
- Mali - Kamerun - 1:1
- Kot-d’Ivuar - Mali - 1:1
- Kamerun - Gvineya - 1:1
- Kamerun - Kot-d’Ivuar - 0:1
- Gvineya - Mali - 1:1
E’tibor bergan bo‘lsangiz, dastlabki 2 ta turda barcha o‘yinlar 1:1 hisobi bilan yakunlandi. Uchinchi turda Kot-d’Ivuar Kamerunni mag‘lub etdi va guruh g‘olibiga aylandi. Gvineya va Mali o‘zaro 1:1 hisobi durang o‘ynashdi. Natijada bu ikki jamoa barcha ko‘rsatkichlar bo‘yicha (o‘zaro o‘yin, to‘plar nisbati, urilgan gollar soni) bo‘yicha bir xil ko‘rsatkichga ega bo‘lishdi (musobaqa reglamentini ogohlantirishlar soni hisob-kitob qilinishi inobatga olinmagan). Shu bois, tashkilotchilar chorak finalga chiqqan ikkinchi jamoani aniqlash maqsadida qur’adan foydalanishga majbur bo‘lishdi.
29-yanvar kuni mahalliy vaqt bilan 16:00da Malabo shahridagi “Xilton” mehmonxonasida tashlangan qur’a natijasida chorak finalga Gvineya chorak final yo‘llanmasini qo‘lga kiritdi. Bu jamoa chorak finalda Gana bilan bahs olib borai. Mali esa ortga qaytadigan bo‘ldi.
E’tiborli tomoni, agar Kot-d’Ivuar va Kamerun o‘rtasidagi 3-tur bahsi ham 1:1 hisobi bilan yakunlanganida chorak finalga chiqadigan ikki jamoani aniqlash uchun 4 jamoa o‘rtasida qur’a tashlangan bo‘lardi.
Izoh (0)