“Regionlar. Namangan viloyati” nomli pochta markalari turkumi “O‘zbekiston pochtasi” AJ tomonidan tayyorlanib, O‘zbekiston Respublikasi aloqa, axborotlashtirish va telekommunikatsiya texnologiyalari Davlat qo‘mitasi tomonidan 2015-yil 22-yanvaridan muomalaga kiritildi. Bu haqda “O‘zbekiston pochtasi” AJ matbuot xizmati xabar berdi.
Pochta markalarida Namangan viloyatining tarixiy obidasi va zamonaviy inshooti tasvirlangan. Kuponda viloyatning geografik xaritasi hamda tashkil topgan yili, maydoni, aholi soni va viloyat markazi ko‘rsatilgan.
“Regionlar. Namangan viloyati” pochta markalari turkumi zanjir ko‘rinishida chop etilgan. Turkum 2 ta pochta markasi va oraliqda joylashgan kupondan iborat.
Pochta markalari bir necha rangda ishlangan. Ofset usulida bosilgan. Perforatsiyasi taroqsimon. Qog‘ozi oq silliq. Pochta markalarining o‘lchami 42×30 mm. Adadi 10 ming nusxa.
Identifikatsiya raqamlari berilgan va nominallari o‘rnatilgan.
Izoh (0)