Malayziya hukumati o‘tgan yilning martida yo‘qolib qolgan “Boing-777” yo‘lovchilari va ekipaj a’zolarini halok bo‘lgan deb e’lon qildi, deb yozadi “TASS” fuqarolar aviatsiyasi departamenti rahbari Azharuddin Abdul Rahmonga tayanib.
Malaysia Airlines’ning Kuala-Lumpurdan Pekinga uchib ketayotgan samolyoti 2014-yil 8-martga o‘tar kechasi radarlardan yo‘qolib qolgan edi. Kema bortida 239 kishi bo‘lgan.
24-mart kuni Malayziya bosh vaziri Najib Tun Razzoq “‘Boing’ parvozi Hind okeanida yakunlangani”ni e’lon qilgan edi. Biroq shu paytgacha samolyot parchalari topilmadi.
Halokat sabablarini tergov qilish ishlari haqidagi dastlabki ma’ruza mart boshida chop etiladi.
Izoh (0)