AQShlik professional xo‘randa Rendi Santel energetik quvvati 4,5 ming kilokaloriyani tashkil etuvchi nonushtani 12 daqiqada yeb bitirdi, deya xabar bermoqda The Daily Mirror. Santelga tortilgan taomlar orasida olti bo‘lak bekon, oltita kolbasa, oltita tuxum, oltita tost bo‘lagi va oltitadan ikki xil quymoq bor edi.
Rekord nonushtasini amerikalik Angliyaning Lester shahrida joylashgan Jons bistro qahvaxonasida tanovvul qildi. Jarayonni 300 dan ortiq tomoshabin kuzatdi. “Ish”dan chalg‘imaslik uchun Santel dasturxon qarshisida tizzalab o‘tirdi va naushnik taqib oldi.
28 yoshli Santel so‘zlariga ko‘ra, zich bo‘lgani tufayli quymoqni yeyish nonushtaning eng qiyin qismi bo‘lgan.
Izoh (0)