Toshkentda harakatni masofadan nazorat qilish tizimini navigatsiya tizimlari va maxsus aloqa vositalari asosida joriy etish loyihasi amalga oshirilmoqda. Bu haqda O‘zbekiston Respublikasi Moliya vazirligi matbuot xizmati ma’lum qildi, deb xabar bermoqda “Podrobno.uz”.
2500 komplekt GPS-trekker va GPS/GSM-antennalarni olib kelish uchun Orient Finance Bank’dan 1,1 milliard so‘m miqdorida kredit olingan. Loyihaning birinchi bosqichida Meitrack Group chet el kompaniyasi bilan 126,8 million so‘m qiymatga ega 300 ta GPS-trekker importi bo‘yicha shartnoma tuzilgan. Ikkinchi bosqichda esa Meitrack Group 289,2 ming dollarlik 2200 ta GPS-trekkerni yetkazib bergan.
Uskunalarning katta qismi 2014-yil noyabr oyida Toshkentga yetib kelgan. Hozirgacha GPS-trekker va GPS/GSM-antennalar Toshkentda 127 yo‘nalish bo‘yicha harakatlanuvchi 1378 ta avtobusga o‘rnatilgan. Natijada bekatlarda texnika to‘xtab turishiga yo‘l qo‘ymaslik evaziga 1,2 milliard so‘mdan ortiq mablag‘ tejab qolingan.
Bundan tashqari, avtobuslarni real vaqtda kuzatish uchun 30 ta kompyuter va 16 ta devor monitori bilan jihozlangan yangi markaziy dispetcherlik markazi tuzilgan. Tizimning ishlashini yaxshilash uchun elektron xarita va yo‘lovchi yo‘nalishlari pasportlarini yaratish, shahar yo‘lovchi transportining ishi bo‘yicha GPS tizimi yordamida olingan hisobotlarni tahlil qilish bo‘yicha maxsus ishchi guruhlar tuzilgan.
Izoh (0)