Samarqand viloyatining Payariq tumanidan 2014-yilda MDH davlatlari va boshqa chet ellarga shartnoma imzolamasdan 13 937 kishi (12 848 nafar erkak va 1089 nafar ayol) ketgan, deb xabar bermoqda “12news.uz”.
Tuman prokurori yordamchisi Abdulaziz Ortiqov va tuman Ichki ishlar bo‘limi rahbari Abdurasul Sulaymonovning so‘zlariga ko‘ra, ushbu holatlar fuqarolarimizni turli diniy oqimlarga tortayotgan odam savdosi bilan shug‘ullanuvchilar uchun qulay sharoit tug‘dirmoqda.
“2014-yilda chet elga ketgan mehnat muhojirlaridan 7 nafari turli sabablarga ko‘ra vafot etdi, 13 kishi deportatsiya qilindi. Tibbiy ko‘rikdan o‘tkazilgan 7475 kishidan 3 nafarida OIV/OITS aniqlandi, yana 24 kishida turli kasalliklar aniqlanib, davolanishga yuborildi”, − deyiladi “Samarkandsiy vestnik” gazetasida huquqni muhofaza qiluvchi organlar xodimlaridan keltirilgan iqtibosda.
Izoh (0)