Qozog‘istonning Ostona shahrida tennis bo‘yicha “Fyuchers” turkumiga kiruvchi turnir bo‘lib o‘tmoqda, deb xabar beradi “Olamsport.com”.
Sovrin jamg‘armasi 15 ming AQSh dollaridan iborat bo‘lgan musobaqada O‘zbekistondan ikki tennischi muvaffaqiyatli ishtirok etyapti.
Sanjar Fayziyev ilk davrada turnirning uchinchi raketkasi ukrainalik Artyom Smirnovni 7:5, 6:3 hisobida mag‘lub etishning uddasidan chiqdi. Endi u ikkinchi bosqichda yana bir ukrainalik tennischi Maksim Ratnyukka qarshi kortga chiqadi.
Ostona turnirida O‘zbekiston sharafini himoya qilayotgan Shonig‘mat Shofayziyev esa belorussiyalik Aleksey Xomichdan 6:4, 6:3 hisobida ustun keldi. Shofayziyev endi chorak finalga yo‘llanma beruvchi uchrashuvda musobaqaning to‘rtinchi raketkasi rossiyalik Denis Matsukevich bilan hisob-kitob qiladi.
Izoh (0)