Avstraliya yashil maydonlarida o‘tayotgan Osiyo kubogi−2015 musobaqasida bir qator yangi “yulduzlar” porlay boshlashdi, deb xabar bermoqda “Sports.uz”.
Sardor Rashidov, Umar Abdulrahmon kabi futbolchilar namoyish etgan o‘yin ko‘plab muxlis-u mutaxassislarga manzur bo‘ldi. Qit’amiz futbolining ertalari deya e’tirof etilayotgan mazkur futbolchilarga bir qator Yevropa klublaridan qiziqish bildirilmoqda.
Sardorga ispan, turk va arab klublaridan qiziqish bo‘layotgan bo‘lsa, BAAlik futbolchiga “Borussiya D” va “Manchester Siti” jamoalari “og‘iz solmoqchi” bo‘lib turishibdi.
Nemis matbuotida tarqalgan so‘nggi ma’lumotlarga qaraganda, mazkur ikki futbolchining Osiyodan Yevropa futboliga ko‘chib o‘tish vaqti keldi. Agar Rashidov va Abdulrahmon o‘z ustilarida ishlashdan to‘xtab qolishmasa, balki ularni kelasi mavsumdan “kuchli beshlik” chempionatlaridan birida ko‘rarmiz.
Izoh (0)