iPhone va Apple’ning boshqa mahsulotlarini yig‘ish bilan shug‘ullanadigan dunyodagi eng yirik elektronika ishlab chiqaruvchi Foxconn kompaniyasi yalpi ishdan bo‘shatish tadbirlarini o‘tkazmoqchi, deya xabar bermoqda “Mail.ru”. Bunga Apple texnikasi savdosi o‘sishdan to‘xtagani va Xitoyda mehnat haqi to‘lovi oshgani sabab bo‘ldi.
Ayni paytda Foxconn’da 1,3 million kishi ishlaydi, ularning oyligi 2010-yildan buyon ikki barobar oshdi. Kompaniya vakili so‘zlariga ko‘ra, xarajatlarning bunday darajasini ushlab turish bora-bora qiyinlashmoqda.
IDC kompaniyasi prognozlariga ko‘ra, bu yil smartfonlar bozorining o‘sish sur’ati o‘tgan yilga nisbatan ikki barobar kamayadi. Foxconn vakili texnologiyalar rivojlanib borishiga qaramay, narxlar tushishi holatiga ko‘nikish kerakligini ta’kidladi.
Nashr yozishicha, yuzaga kelgan vaziyatdan chiqib ketishning yagona yo‘li yig‘ish jarayonini avtomatlashtirishdir. Bu ishlab chiqarish xarajatlarini qisqartiradi, ammo iPhone sifatiga qanday ta’sir etishi noma’lum.
Izoh (0)