Yevropa Ittifoqi mamlakatlarining hukumat va davlat rahbarlari Ukrainadagi voqealar munosabati bilan Yevropa Ittifoqi Kengashiga 29-yanvar kuni bo‘lib o‘tadigan majlisda Rossiyaga qarshi qo‘shimcha cheklovlarni joriy etish masalasini ko‘rib chiqishni so‘rab murojaat qildi, deb xabar bermoqda “Segodnya.ua”.
“Ukraina sharqidagi gumanitar va xavfsizlik bilan bog‘liq vaziyat yomonlashganidan xavotirdamiz. 24-yanvar kuni Mariupol shahrining o‘qqa tutilish vaqtida tinch aholi o‘ldirilishini qoralaymiz. Ayirmachilarga Rossiya tomonidan doimiy yordam berib turilganini qayd etamiz. Rossiyani ayirmachilarning harakatlarini qoralab, Minsk kelishuvlariga amal qilishga chaqiramiz.
Vaziyat yomonlashuvini inobatga olib, bo‘lajak Tashqi ishlar vazirlari kengashidan istalgan tegishli choralarni, jumladan qo‘shimcha cheklovlarni joriy etish masalasini ko‘rib chiqishni so‘raymiz”, − deyiladi Bryusselda e’lon qilingan bayonotda.
Izoh (0)