Xotin-qizlar o‘rtasidagi xalqaro turnirda o‘zbekistonlik tennischilar g‘alaba qozondi

Tennis bo‘yicha xotin-qizlar o‘rtasida ITF turkumiga kiruvchi xalqaro turnirda o‘zbekistonlik raketka ustalari Albina Xabibulina va Polina Merenkova munosib ishtirok etdi, deb xabar bermoqda O‘zbekiston Milliy axborot agentligi.

Qozog‘istonda tashkil etilgan musobaqaning juftliklar bahsida O‘zbekiston vakillari birinchi davrada fransiyalik Kamille Cheli va isroillik Keren Shlomani 5:7, 6:1, 10:3 hisobida yengdi. Chorak finalda rossiyalik Nadejda Gorbachkova va Polina Novikovadan 7:6, 6:4, yarim finalda moldovalik Juliya Xelbet va rossiyalik Marta Paiginadan 7:5, 6:1 hisobida ustun keldi.