Xonanda Rayhon G‘aniyeva aktyor Yigitali Mamajonov bilan turmushi davomida “xotin sifatida o‘ziga bog‘liq hamma narsani bajargani”ni ma’lum qildi. Bu haqda “Darakchi” gazetasiga asoslanib “Kun.uz” xabar bermoqda.
“Erim uchun o‘z vaqtida ovqatini tayyorladim, kiyimlarini dazmolladim, kirini yuvdim… Uyimni sarishtali va shinam tutdim. Ko‘p ayollar kabi erimdan qancha pul topayotganni so‘ramadim”, – dedi Rayhon.
Xonandaning so‘zlariga ko‘ra, u “nima bo‘lishidan qat’iy nazar” Yigitalini tushunishga, undan ayb izlamaslikka harakat qilgan. “Yoshimizdagi farq 12 yil. Men ham uning yoshidagi davrimni ko‘z oldimga keltirib, to‘g‘ri va adolatli munosabatda bo‘lishga intildim”, – dedi Rayhon.
Rayhon aynan nima sababdan Yigitali Mamajonov bilan ajrashayotganini ma’lum qilmagan, faqat turmushida “juda murakkab vaziyat yuzaga kelgani” sabab ajrashishga qaror qilganini aytgan.
Qayd etish joiz, xonanda Rayhon G‘aniyeva va aktyor Yigitali Mamajonov 2012-yilning noyabrida turmush qurishgan edi. 2014-yilning may oyida esa Rayhon egizak farzand tuqqan, ularga Islom va Imron deb ism qo‘yilgani haqida xabar berilgandi.
2015-yil yanvarida esa Rayhon ajrashishga ariza berganini ma’lum qildi.
Izoh (0)