2010-yilda Toshkent shahrining Chilonzor tumani sudi tomonidan o‘g‘rilik jinoyatida aybdor deb topilib, jazoga tortilgan fuqaro bundan xulosa chiqarmay, yana o‘g‘rilik qilishni boshladi, deb xabar bermoqda “Huquq” gazetasi.
Dastlab Nexia rusumli avtombilni olib qochgan fuqaro uni Toshkentdagi Parkent ko‘chasiga haydab kelib, mashina yukxonasidagi 80 ming so‘mlik ehtiyot g‘ildiragi va 15 ming so‘mlik ko‘targichni olib, voqea joyidan yashirindi.
Keyinchalik yana bir Nexia’ni olib qochib, Zangiota tumanidagi F. Po‘latov ko‘chasiga haydab keldi va mashina o‘rindig‘ida bo‘lgan polietilen paketdagi 120 ming so‘m pul, 80 ming so‘mlik Lacetti rusumli magnitofon, 2 dona kolonka va 374 ming so‘mlik buyumlarni o‘zlashtirdi.
Bu ishlardan ruhlangan jinoyatchi yana bir Nexia avtomobilini olib qochib, 230 ming so‘m pulni qo‘lga kiritdi. Bu ham yetmaganidek, mashina egasining pasporti orqali uning manzilini aniqlab, xat qlodirdi. So‘ngra undan mashinasini qaytarish evaziga 2 ming dollar talab qildi.
Tergov jarayonida jinoyatchining barcha kirdikorlari o‘z isbotini topdi. Sud unga 11 yil-u 6 oy ozodlikdan mahrum qilish jazosini tayinladi.
Izoh (0)