2015-yilning 13-yanvar kuni O‘zbekiston Respublikasi Tashqi ishlar vaziri Abdulaziz Kamilov O‘zbekistonda o‘z missiyasini yakunlayotgan Jazoir Xalq Demokratik Respublikasining Favqulodda va muxtor elchisi Ramdan Mekdudni qabul qildi. Bu haqda O‘zbekiston Respublikasi Tashqi ishlar vazirligining rasmiy saytida xabar berildi.
Uchrashuvda O‘zbekiston — Jazoir munosabatlarining hozirgi holati va istiqbollari muhokama qilindi.
O‘zbekiston tomoni o‘zaro hamkorlikni yanada mustahkamlashdagi elchining besh yillik faoliyatini hamda so‘nggi oylarda Toshkentdagi diplomatik korpus duayeni vazifasini bajarishdagi xizmatini yuqori baholadi va samimiy tilaklar bildirdi.
O‘z navbatida, elchi diplomatik vazifasini o‘tashi uchun O‘zbekistonda yaratilgan qulay sharoitlar uchun minnatdorchilik bildirdi.
Izoh (0)