UZ milliy zonasida eng ko‘p domen 2014-yil dekabrida ro‘yxatga olindi

2014-yilning dekabri UZ milliy domen zonasidagi registratorlar uchun rekordlar oyi bo‘ldi, deya xabar bermoqda “Kun.uz” “Podrobno.uz”ga tayanib.

Statistik ma’lumotlarga ko‘ra, 2014-yilning dekabr oyi davomida 708 ta domen ro‘yxatga olingan bo‘lib, bu rekord ko‘rsatkich hisoblanadi.

Avvalgi rekord 2014-yilning may oyida qayd etilgan, o‘shanda bir oyda O‘zbekiston registratorlari 699 ta domenni ro‘yxatga olgandi.

Ma’lumot uchun, hozirgi vaqtda UZ milliy domeni zonasida 19,2 mingdan ortiq nom ro‘yxatga olingan.