“O‘rtoq Pu Estoniyani zabt etadi” stol o‘yini ushbu Boltiqbo‘yi davlatidagi do‘konlarda sotila boshladi. Baltija.eu portali yozishicha, o‘yin o‘ramiga Rossiya prezidenti Vladimir Putin surati tushirilgan.
Ssenariy bo‘yicha, “o‘rtoq Pu” deyarli butun Estoniyani egallab olgan, faqat Saaremaa orol uyezdi poytaxti — Kuressaare uning istilosidan omon qolgan. O‘yinchilar dastlab ushbu hududni dushmandan himoya qilishi , so‘ng butun mamlakatni ozod etishi zarur.
“Govorit Moskva” nashri muxbiri so‘zlariga ko‘ra, Estoniyada odatda Putinning familiyasini qisqartirib atashadi. U o‘yin annotatsiyasida prezident to‘g‘ridan-to‘g‘ri tilga olinmaganligini, “Pu familiyali sirli personaj Estoniyani zabt etmoqchi, kelinglar, mamlakatni ozod etamiz”, — deyilishini qayd qildi.
Izoh (0)