“Nishonli budilnik” – tongda oson uyg‘onish garovi

Ko‘pchiligimiz uchun tongda uyg‘onish qiyin ish. Ixtirochilar esa har doim izlanishda. Ular bu safar “Nishonli budilnik”ni o‘ylab topishdi.

“Nishonli budilnik”lar yordamida uyg‘onish rostdan ham qiziqarli bo‘lsa kerak. Chunki, uyqudan turishdek qiyin ish o‘yin bilan boshlanadi.

Yangi budilnikning “nishonli” deb nomlanishiga sabab, unga lazerli to‘pponcha yordamida o‘q uzish mumkin, soatning tepa qismiga esa nishon ham o‘rnatilgan. Lazer nurini nishonga to‘g‘ri yo‘naltira olsangiz, budilnikning ovozi ham o‘chadi, qulog‘ingiz ham tinchiydi. Lekin, bu ishni bir martada darhol bajara olish uchun siz kamida Jeyms Bond bo‘lishingiz kerak…

Agar, nishonni to‘g‘ri ko‘zlay olmasangiz, uzoqdagi budilnikni uning oldiga borib o‘chirishga majbur bo‘lasiz. Biroq, har ikkala holatda ham uyqudan uyg‘onishingiz kafolatlangan…

Shu bilan birga, bu budilnikdan o‘yin sifatida foydalanib, nishonga olish qobiliyatingizni ham oshirishingiz mumkin.

Narxi: 18, 76 $

Manba: Aliexpress.com