Alisher Usmonov rublning qadrsizlanishi tufayli 48 soatda 809 million dollar yo‘qotdi

Londonning “Arsenal” klubining ikkinchi eng yirik aksiyadori − rossiyalik milliarder Alisher Usmonov rublning qadrsizlanishi oqibatida so‘nggi 48 soat ichida 809 million dollar yo‘qotdi, deb xabar bermoqda The Guardian.

“Arsenal”ning 30 foiz aksiyalariga egalik qiluvchi asli o‘zbekistonlik Usmonovning boyligi 13,4 milliard dollarga tushib qolgani xabar berilgan edi. Joriy hafta mobaynida rossiyalik milliarderlar jami 10 milliard dolllardan ko‘proq yo‘qotgan.

Yana bir rossiyalik milliarder, Londonning boshqa bir jamoasi − “Chelsi”ning xo‘jayini Roman Abramovich esa 48 soat ichida 450 million dollar yo‘qotgan. Uning hozirgi mablag‘lari 12,8 milliard dollarga baholanmoqda.