Sharqiy Yevropa va Markaziy Osiyoning eng yaxshi universitetlari reytingiga O‘zbekiston OTMlari kira olmadi

Buyuk Britaniyaning Quacquarelli Symonds agentligi tomonidan e’lon qilingan Sharqiy Yevropa va Markaziy Osiyoning eng yaxshi universitetlari reytingiga O‘zbekiston OTMlari kira olmadi, deb xabar bermoqda “Uz24.uz”.

Reytingda birinchi o‘rinni Lomonosov nomidagi Moskva davlat universiteti egallagan bo‘lsa, yuztalikdan yana Rossiyaning 26 ta, Chexiya va Turkiyaning 10 tadan, Polshaning 9 ta va Qozog‘istonning 8 ta oliy ta’lim muassasalari o‘rin olgan.

OTMlar ish beruvchilar orasidagi mavqesi, xorijlik talabalarning hissasi, ilmiy darajaga ega xodimlar soni, OTM internet resurslarining samaradorligi, chop etilgan maqolalarning pofessor-o‘qituvchilar tarkibiga nisbati kabi mezonlar bo‘yicha baholangan. Reyting Sharqiy Yevropa va Markaziy Osiyoning jami 30 davlatini o‘z ichiga olgan.