Isroil Yevroittifoqdan tez orada HAMASni terrorchilik tashkilotlari rasmiy ro‘yxatiga qaytarishni kutmoqda, deya xabar berdi “RIA Novosti” Isroil bosh vaziri Binyamin Netanyaxuga tayanib. Falastinlik ekstremistlar harakati 17-dekabr kuni YeI sudi qarori bilan ro‘yxatdan chiqarilgan edi.
Sudyalar ushbu hukmni shu bilan izohladiki, HAMAS 2001-yilda matbuot va internetdagi nashrlar asosida “qora ro‘yxat”ga kiritilgan, aslida esa buning uchun ularning faoliyati hukumat mas’ul organlari tomonidan o‘rganilishi va tasdiqlanishi zarur.
“Yevroittifoqning HAMASni terrorchilik tashkilotlari ro‘yxatidan chiqarish texnik protsedura ekanligi haqidagi bahonalari bizni qoniqtirmaydi. Yevroittifoqning zudlik bilan HAMASni o‘zi tegishli bo‘lgan ro‘yxatga qaytarishini kutmoqdamiz. Bu mutlaqo barchaga ayon”, — dedi Netanyaxu.
Izoh (0)