O‘zbekiston 2015-yilda Rossiyaga oziq-ovqat mahsulotlari eksportini 1,6 marta ko‘paytirishi mumkin
O‘zbekiston 2015-yilda Rossiyaga meva va sabzavot mahsulotlari eksportini 400 ming tonnagacha oshirishi mumkin, deya xabar bermoqda “RIA Novosti” O‘zbekiston qishloq va suv xo‘jaligi vazirligi vakiliga tayanib. 2014-yil yakunlari bo‘yicha kutilayotgan ko‘rsatkich esa 250 ming tonnaga teng edi.
O‘zbekiston hukumati o‘tgan hafta 2015-yilda meva va sabzavot mahsulotlarini ishlab chiqarish va eksport qilishning prognozli parametrlarini tasdiqladi. Vazirlik vakilining aytishicha, hujjat doirasida kelasi yilda eksport hajmi 2014-yilga nisbatan 20 foizga — 600 ming tonnagacha ko‘payadi.
“O‘sish avvalambor Rossiyaga meva va sabzavotlar eksportini ko‘paytirish hisobiga sodir bo‘ladi, jami eksport hajmining 80 foizdan ortig‘i Rossiya hissasiga to‘g‘ri keladi”, — dedi vazirlik vakili.
