Bugun,

  • USD 11095.31
  • RUB 173.84
  • EUR 10772.44

Toshkentga olib kelingan ikki qavatli sayyohlik avtobuslari nafaqat xorijlik sayyohlarga, balki ichki turizmning tobora rivojlanishiga sabab bo‘layotgan O‘zbekiston aholisi uchun ham mo‘ljallangan. Bu haqda bunday sayohatlar tashkilotchisi − Aznur Travel kompaniyasi bosh direktori Ulug‘bek Nurmatov ma’lum qildi, deb xabar bermoda “Gazeta.uz”.

Foto: gazeta.uz

Foto: gazeta.uz

Uning so‘zlariga ko‘ra, so‘nggi yillarda guruh bo‘lib sayohat qilishdan ko‘ra individual sayohatlar ommalashib bormoqda. Shahar bo‘ylab bunday avtobuslarda sayohat qilish esa alohida mashina yollashdan ancha arzonga tushadi. Bunda shaharning barcha diqqatga sazovor joylariga borish va o‘ziga qulay tilda shahar haqida ma’lumotlarni eshitib borish imkoniyati tug‘iladi. O‘zbekistonliklar ham yangicha sayohatda Toshkent haqida yangi narsalarni bilib olishi mumkin bo‘ladi.

Foto: gazeta.uz

Foto: gazeta.uz

Avtobuslar yurish vaqti va yo‘nalishi Toshkent shahar hokimligining yo‘lovchi transportining barcha turlarini litsenziyalash va muvofiqlashtirish departamenti, Davlat yo‘l harakati xavfsizligi xizmatining poytaxt bo‘limi va “O‘zbekturizm” milliy kompaniyasi bilan kelishilgan holda tuzilgan.

“Umid qilamizki, rejadagi barcha ishlarni amalga oshira olamiz. Loyiha o‘zini oqlasa, xuddi shunday avtobuslarni Samarqand va Buxoro shaharlari uchun ham olib kelish ko‘zda tutilgan”, − dedi Nurmatov.

Izoh
Asosiy yangiliklar
Mahalliy
O‘zbekistonning Istanbuldagi Bosh konsulxonasi Turkiyadagi fuqarolarga murojaat bilan chiqdi 
Mahalliy
O‘zbekistonda 7-fevral kuni 20 darajagacha iliq bo‘lishi kutilmoqda 
Mahalliy
O‘zbekistonda dollar kursi yana oshdi