Singapurda xonadonlarga avtomobillarda kirib borish mumkin bo‘lgan dunyodagi birinchi uy qurildi

Singapurdagi Hamilton Scotts osmono‘par turar joyda har bir xonadon ikkita avtomobil uchun yetarli joy bilan ta’minlandi, deya xabar bermoqda “Segodnya.ua”.

Osmono‘par bino 56 qavat va bir necha o‘n ming kvadrat metr maydonga ega bo‘lishiga qaramay, u ushbu binoda yashovchilar uchun ko‘p qavatli mashinalar to‘xtash joyi tashkil qilishga yetarli bo‘lmadi.

Natijada endi butun 56 qavat bo‘ylab nafaqat yo‘lovchi liftlari, balki avtomobillarni chiqarib-tushirishga mo‘ljallangan yuk liftlari ham yuradi. Uyda yashovchilar o‘z mashinasida liftga kirib, kerakli qavat va xonadon raqamini ko‘rsatishi kifoya.

Xonadonlardagi garaj mehmonxonadan oynali devor bilan ajratib qo‘yilgan. Uy egalari choy icha turib. o‘zlarining sevimli mashinalarini tomosha qilishlari mumkin.