Professional boksning super og‘ir vazn toifasida faoliyatini davom ettirayotgan o‘zbekistonlik sportchi Ahror Mirolimov o‘zining navbatdagi jangini 31-yanvar kuni o‘tkazadi. Hozircha raqib bokschining nomi ma’lum emas, deb xabar bermoqda “Olamsport”.
Har qanday holatda ham 31-yanvar kuni Mirolimov professional ringdagi o‘zining 17-jangini o‘tkazadi. O‘zbekistonlik bokschi barcha 16 ta jangda g‘alaba qozongan. Muddatidan avval nokaut bilan qozongan g‘alabalari soni 13 tani tashkil etmoqda.
Ahror Mirolimov bir necha yildan beri AQShning Xyuston shahrida murabbiy Ken Richardson qo‘l ostida shug‘ullanib, o‘z janglarini o‘tkazib kelyapti.
Eslatib o‘tamiz, Mirolimov shu yil kuzda WBA NABA yo‘nalishi bo‘yicha AQSh chempionligini qo‘lga kiritgan edi. U Vashington shahrida bo‘lib o‘tgan boks oqshomida ushbu kamar egasi Jeyson Bergmanni muddatidan avval nokautga uchratgandi.
Izoh (0)