Toshkentning “Bunyodkor” jamoasi yangi mavsumga tayyorgarlikni boshladi

Toshkentning “Bunyodkor” jamoasi 2015-yilgi mavsumga qaratilgan tayyorgarligini boshladi, deb xabar beradi “Uff.uz”.

“Qaldirg‘ochlar” 12-dekabr kuni o‘z qarorgohida yig‘ildi. Dastlabki ikki kun mobaynida jamoa a’zolari shifokorlar ko‘rigidan o‘tdi.

Hozirda mashg‘ulotlar kuniga ikki mahaldan davom ettirilmoqda.

“Bunyodkor”ning ushbu yig‘ini 29-dekabrga qadar poytaxtda davom ettiriladi. Yangi yil bayramidan so‘ng ilk xorijiy yig‘inga jo‘nab ketiladi.