Sirdaryo viloyati Sayxunobod tumani Ichki ishlar bo‘limiga tuman hududida o‘g‘irlik sodir etilgani haqida xabar kelib tushdi. Bu haqda “Na postu” gazetasiga asoslanib “Kun.uz” xabar bermoqda.
Ma’lum bo‘lishicha, tuman hududida istiqomat qiluvchi ayolning uyiga noma’lum shaxs derazadan kirib, yotoqxonadagi seyfdan 3,5 million so‘m, 1,5 ming AQSh dollari va 5 ming Rossiya rublini o‘g‘irlab ketgan.
Tezkor-qidiruv ishlari natijasida ayolning uyidan uncha uzoq bo‘lmagan joyda istiqomat qiluvchi 22 yoshli erkak ushbu jinoyatni sodir etganlikda gumon qilinib hibsga olingan.
Hozirgi vaqtda ushbu holat yuzasidan tergov ishlari davom etmoqda.
Izoh (0)