Rossiyada musulmonlar uchun mo‘ljallangan ilk telefonlar 2015-yilda sotuvga chiqadi. Bu haqda Rossiya musulmon ayollar ittifoqi raisasi Nailya Ziganshina ma’lum qildi, deb xabar bermoqda “TASS”.
Avvalroq bunday telefonlar 2014-yil noyabr oyi oxirida sotuvga chiqarilishi xabar berilgan edi. Biroq uning ilk namunalari Rossiyaga 2015-yil boshidagina yetib kelishi ma’lum qilingan. Ko‘k, qora, yashil va to‘q qizil ranglarda chiqariladigan telefon tugmali klaviatura va yoritgichli kameraga ega bo‘ladi.
Rossiya musulmonlari markaziy diniy boshqarmasi rahbari Timur hazrat Imayevning so‘zlariga ko‘ra, telefon xotirasiga arab tilidagi Qur’on kitobi va uning rus tilidagi ma’nolari tarjimasi joylashtirilgan. Qulay menyu suralarni tezda almashtirib, kerakli matnga o‘tish imkonini beradi.
Shuningdek, telefonga namoz vaqtlarini eslatib turuvchi dastur o‘rnatilgan bo‘lib, u foydalanuvchi joylashgan mamlakat va shahar haqidagi ma’lumotlarni yangilaydi va besh vaqt namozning vaqtlarini sozlab, ularning boshlanishi haqida ovozli signal orqali eslatib turadi.
Izoh (0)