Sobiq razvedkachi Edvard Snouden iPhone’dan voz kechganini va Moskva metrosidan foydalanayotganini ma’lum qildi

AQSh Milliy Xavfsizlik Agentligining sobiq xodimi Edvard Snouden Amnesty International tashkiloti tomonidan o‘tkazilgan Moskva va Parij o‘rtasidagi videoko‘prikda ishtirok etdi, deb xabar bermoqda “RBK”.

Uning so‘zlariga ko‘ra, hozir AQShdagi hayotidan yagona farq − iPhone smartfonidan foydalanmayotganidir. “Menda hammasi yaxshi, oddiy yashayapman, hattoki Moskva metrosidan foydalanyapman”, − dedi Snouden.

Internetdagi kuzatuvlarga qarshi kurashuvchi Sonuden muammo milliy xavfsizlikda emas, balki barchani istisnosiz kuzatadigan dasturlar yaratilayotganligida ekanligini eslatib o‘tdi. Shuningdek, u hozirda veb-standartlarni ishlab chiqish loyihasi bilan mashg‘ulligini ma’lum qildi.