Klublar o‘rtasidagi jahon chempionatida Ronalduni besh nafar tansoqchi qo‘riqlaydi

Marokashda bo‘lib o‘tayotgan Klublar o‘rtasidagi jahon chempionatida Madridning “Real” klubi uchun 40 nafar tansoqchi ajratilgan, deb xabar bermoqda Marocco World News.

Tansoqchilarning besh nafari portugaliyalik hujumchi Krishtianu Ronalduning xavfsizligi uchun safarbar etiladi. Qo‘riqchilar mehmonxonaga borish va kelish, mashg‘ulotlar, matbuot anjumanlari va boshqa tadbirlar davomida madridliklar xavfsizligi uchun javobgar bo‘ladi.

Bundan tashqari, “Real” uchun Marrakeshdagi Four Seasons mehmonxonasi to‘liq band qilingan bo‘lib, klubning har bir a’zosi alohida xonalarda istiqomat qiladi. “Qirollik klubi” Marokashga 14-dekabr kuni yetib borishi kutilmoqda.